Իրանի և Թուրքիայի արտգործնախարարները քննարկել են Աստանայում վիրտուալ ձևով գագաթնաժողով անցկացնելու և տարածաշրջանային ու ահաբեկչության դեմ պայքարի հետ կապված մի շարք հարցեր:
Իրանի արտգործնախարար Մոհամմադ Ջավադ Զարիֆը, որը երկօրյա այցով գտնվում է Թուրքիայում, երկուշաբթի օրը հանդիպել է Թուրքիայի արտգործնախարար Մեվլութ Չավուշօղլուի հետ: Հանդիպման ընթացքում համերաշխություն և աջակցություն հայտնելով կորոնավիրուսի դեմ այդ երկրի պայքարին, Զարիֆը մտքեր է փոխանակել վերջին չորս ամիսների ընթացքում երկու երկրների միջև առևտրի նվազած ծավալները վերականգնելու ուղիների վերաբերյալ:
Զարիֆը նաև ընդգծել է գազի արտահանումը վերսկսելու և գազատարի վնասված հատվածը վերականգնելու անհրաժեշտությունը:
Սիրիայի հարցով Աստանայի գագաթնաժողովի անցկացումը, Թեհրանի գագաթնաժողով և Սիրիայի, Եմենի, Լիբիայի հիմնախնդիրներն ու ահաբեկչության դեմ պայքարը եղել են Իրանի Իսլամական Հանրապետության և Թուրքիայի արտգործնախարարների բանակցությունների առանցքում: