Առողջապահության համաշխարհային կազմակերպության (ԱՀԿ) ղեկավար Թեդրոս Ադան Գեբրեիեսուսը դեռ չի տեսնում կորոնավիրուսային պանդեմիայի պիկը: Այս մասին վերջինս խոսել է մամուլի ասուլիսի ժամանակ, որը հեռարձակվել է Twitter-ով, փոխանցում է Լենտան։
Նշվում է, որ անցած հանգստյան օրերին կազմակերպությունը գրանցել է վարակման ավելի քան 400 հազար դեպք: Այսպիսով, ըստ ԱՀԿ ղեկավարի, կարելի է եզրակացնել, որ բռնկումն արագանում է, և «աշխարհն ակնհայտորեն չի հասել համաճարակի պիկին»: Միևնույն ժամանակ, մահացության մակարդակը, ընդհանուր առմամբ, հավասարվել է։