Գերմանիայի կառավարությունը ցնցված է Բեյրութի նավահանգստում տեղի ունեցած պայթյունի մասին լուրերից և իր օգնությունը կառաջարկի Լիբանանին: Այս մասին հայտարարել է Գերմանիայի կանցլեր Անգելա Մերկելը, նրա խոսքերը Twitter-ում մեջբերել է Գերմանիայի նախարարների կաբինետի ներկայացուցիչ Ուլրիկե Դեմերը:
«Գերմանիայի կառավարությունը ցնցված է Բեյրութից ստացված տեղեկություններից և կադրերից: Մեր մտքերը նրանց հետ են, ովքեր կորցրել են իրենց հարազատներին։ Տուժածներին մաղթում ենք արագ ապաքինում: Մենք մեր օգնությունը կառաջարկենք Լիբանանին»,-հավաստիացրել է Մերկելը:
Ավելի վաղ հայտնել ենք, որ Բեյրութում պայթյունի արդյունքում զոհերի թիվը գերազանցել է 100-ը, վիրավորների թիվը գերազանցում է 4 հազարը: