Սիրիայի նախագահ Բաշար Ասադը ստիպված է եղել ընդհատել իր ելույթը խորհրդարանում՝ առողջական վատ վիճակի պատճառով: Այս մասին հայտնում է Լենտան՝ հղում անելով սիրիական SANA պետական գործակալությունը:
Ըստ տեղեկությունների, 55-ամյա Ասադը խորհրդարանում ելույթ ունենալիս վատ է զգացել իրեն, ինչի պատճառով ստիպված է եղել ընդհատել ելույթը: Նշվում է, որ մի քանի րոպեից նա շարունակել է իր խոսքը: Դեպքի այլ մանրամասներ չեն հաղորդվում: