Այսօր՝ ժամը 17։00-ի սահմաններում արձանագրվել է հակառակորդի հետևյալ կորուստները․ շուրջ 36 ԱԹՍ, 47 զրահատեխնիկա և 400-ից ավել անվերադարձ կորուստ անձնակազմի մոտ։ Նախնական տվյալներով, ՊԲ ստորաբաժանումներն ունեն 48 զոհ, 200-ից ավել վիրավոր զինծառայողներ։
Այս մասին մամուլի ասուլիսի ժամանակ հայտնեց ՊԳ գնդապետ Արթուր Սարգսյանը։ Վերջինս ասաց, որ երկօրյա մարտերը չեն ընկճել զինվորներին, հակառակն՝ այդպիսով անձնակազմը ձեռք է բերում փորձ և ամրապնդում մարտական ոգին․ Մենք ուժեղ ենք, քան երբևիցե, քանի որ գիտակցում ենք, որ նժարին դրված է Արցախի հայության գոյության հարցը։
