Հանրության մեջ կա գրեթե 100 տոկոսանոց կոնսենսուս, որ Նիկոլ Փաշինյանն այլևս բարոյական կամ որևէ այլ տեսանկյունից իրավունք չունի զբաղեցնել ՀՀ վարչապետի պաշտոնը: Այս մոտեցումը կա նաև խորհրդարանում, ես գիտեմ: Առաջնային մանդատ ունեցող մարմինը պետք է ի վերջո լուծի: Այս մասին լրագրողների հետ զրույցում հայտարարել է Արթուր Վանեցյանը:
Ավելի վաղ հայտնել էինք, որ ընդդիմության վարչապետի թեկնածուն Վազգեն Մանուկյանն է:
Վանեցյանի խոսքերով, այսօր նոր վարչապետ ունենալու պահանջ կա, պետք է շարունակեն մեծացնել հանրային ճնշման մեխանիզմներն, ինչի արդյունքում ԱԺ պատգամավորները դուրս կգան ներքին վախից ու կքվեարկեն ժողովրդի վարչապետի օգտին:
Վանեցյանի խոսքերով, Նիկոլ Փաշինյանի՝ մեկ օր ավելի պաշտոնում մնալն ազգային անվտանգության խնդիր է. «Այստեղ պայքար է հանուն մեր հայրենիքի փրկության: Բոլորը պետք է դուրս գան փողոց, իրենց վճռական խոսքն ասեն ու հեռացնեն այս ապազգային իշխանությանը: Դրանից հետո նոր ընտրություններ կլինեն ու մեր եկիրը կդնենք զարգացման ճիշտ ուղու վրա»: