Այն օրերին, երբ հայկական ուժերը նահանջում էին, ամենուր հնչում էր «Հաղթելու ենք» պոռոտախոսությունը, որը սկսեց մեզ ուտել: Այն պետության քարոզներից մեկն էր: Այդ օրերին ինձ զանգում է գեներալ Մանվել Գրիգորյանը, ով Շուշիում էր: Ես այդ ժամանակ գտնվում էի Ֆիզուլիից ներքև Կարախամբիլի գյուղի մատույցներում: Ես ներկայացնում եմ իրավիճակը, ասում եմ, որ մերոնք մտել են, հասել են մինչև ստանցիա: Այնտեղ խաչմերուկ կա: Ես ասում, որ այդ խաչմերուկը վտանգված է, որովհետև տանկեր են հասնում: Իրենք ուրախությամբ նշում են: Որտեղից է գալիս այդ ուրախությունը: Այս մասին մամուլի ասուլիսի ժամանակ հայտարարեց «Սիսական» ջոկատի հրամանատար Աշոտ Մինասյանը:
«Մեր երկրի գլխավոր գերագույն հրամանատարը, ոչ ադեկվատ վիճակում, գուցե՝ հարբած, ինչպիսին լինում է հաճախ, հրաման է արձակում՝ եթե կարողանաք գրավել Լելաթափան, կպարգևատրեմ հերոսի կոչումներով:
Չկայացած գեներալիտետը, դա ընդունում են որպես իրողություն ու հրաման, անցնում են հարձակման, գնում հասնում մինչև ստանցիա, Քյանթ-Հորադիզ արանքի խաչմերուկ: Ես ու գեներալ Մանվել Գրիգորյանը քննարկում ենք:
Երբ Փաշինյանին զեկուցում են, որ հասել են այնտեղ, նա մեկին գեներալի կոչում է շնորհում, երկուսին՝ հերոսի կոչում:
Իր նպատակն այն է, որ հանրությանը ներկայացվի, թե ազատագրել է Լելաթափան, որը տվել են նախկին իշխանությունները: Այդ մեծամտությունը, որը կար գերագույն գլխավոր հրամանատարի մոտ, ձևավորվում է նաև գեներալիտետի մոտ: Ոգևորվելով այդ ամեն ինչից՝ նրանք սկսում են առաջանալ մինչև համապատասխան խաչմերուկ: Այդ ժամանակ ես հարցը քննարկում եմ գեներալ Մանվելի հետ, նա հարցնում է իրավիճակի մասին, ուզում է իմանալ՝ արդյո՞ք մեր զորքերը հասել են տանկերի հետևից: Ես չններկայացնեմ, թե քանի տանկ ենք թողել թշնամուն, ինչքան զորք ենք տվել այդտեղ, որովհետև արդեն բոլորիս է պարզ, թե ինչքան կորուստ կարող էինք ունենալ:
Եթե հետևակը, զինվորը տանկերի հետ նույն տեղում չեն գտնվում, տանկերը թիրախ են լինում ու այդպես եղավ: Զորքը սկսում է ահավոր թափով նահանջել: Ես չգիտեմ դա նահանջ ասեմ, թե փախուստ, բայց ամոթ այդ գեներալիտետ կոչվածին»:
Մինասյանը նշեց, որ եղել են իրական հերոսներ, ինչպիսիք ենք Կարեն Ջալավյանը, Սերգեյ Շաքարյանը, սակայն կան մարդիկ, ովքեր օդից Ազգային հերոսի կոչում ստացան, խոսքը վերաբերում է գեներալներին. «Փախնող զորքի հրամանատարին շնորհում են հերոսի կոչում»:
