Այսօր՝ հունվարի 26-ին, խոշոր ավտովթար է տեղի ունեցել Եևանում: Ժամը 21:30-ի սահմաններում Սևանի և Գարեգին Նժդեհ փողոցների խաչմերուկում բախվել են Mitsubishi և Opel մակնիշի ավտոմեքենաները:
Ինչպես տեղեկացնում է shamshyan.com-ը, բախման հետևանքով Mitsubishi-ն կողաշրջվել է:
Օպերատիվորեն դեպքի վայր են ժամանել Արտակարգ իրավիճակների նախարարության փրկարար ծառայության թիվ 2 հրշեջ–փրկարարական ջոկատը՝ 1 մարտական հաշվարկով:
Ոստիկանությունը պարզում է վարորդների ինքնությունը:
Փրկարարները ճանապարհային ոստիկանների հետ դարձի են բերել ավտոմեքենան, փակել գազաբալոնն ու սահմանազատել տարածքը: