«Տեղեկատվությունն այնքան քիչ է, որ ամբողջ օրը քաղաքականության մեջ գտնվող մարդը կդժվարանա ենթադրություն անել, միակ բանը, որը կարող ենք արձանագրել, այն է, որ ամրագրվեց, թե Փաշինյանի հայրանունը ռուսերենով ինչպես պետք է արտաբերվի»,-.պատասխանելով մոսկոկվյան հանդիպումների ժամանակ հնարավոր անդրկուլիսային պայմանավորվածությունների մասին հարցին՝ հայտարարեց «Հայաստան» խմբակցության պատգամավոր Գեղամ Մանուկյանը:
Նա նշեց, որ վաղ է խոսել, թե ինչ խոսվեց ու քննարկվեց ՌԴ մայրաքաղաքում, որն էլ հենց ողբերգությունն է:
«Պուտինի հետ առաջին հանդիպմանը ինքնաթիռից ուղիղ եթեր մտնող և հանդիպմանը քննարկվածի մասին պատմողն, այսօր՝ դրանից երեք տարի անց, որևէ բան չի տեղեկացնում»,- նկատեց պատգամավորը և նշեց, որ դա խոսում է երեք տարիների ընթացքում այս իշխանությունների հետնահանջի մասին, որն էլ հասարակության մոտ իրական մտահոգություններ է առաջացնում:
Մանուկյանը շեշտեց, որ Նիկոլ Փաշինյանից որևէ ակնկալիք չկա դրական առաջընթացի մասով, այլ բոլորը մտավախություն ունեն, որ հերթական զիջումն է լինելու:
Անդրադառնալով կազմակերպված քննարկման նպատակներին՝ «Հայաստան» խմբակցության պատգամավոր շեշտեց, որ Արցախից բռնագաղթածների խնդիրների վերաբերյալ հայկական պետությունները միասնական ռազմավարություն չունեն, այլ իրավիճակային գործելաոճ են որդեգրել և «Տեղահանված ու բռնագրավված Հադրութ.մեկ տարի անց. հիմնահարցեր և մարտահրավերներ» խորագրով քննարկման նպատակը միասնական մոտեցման մշակումն է: