Հնդկաստանը հրաժարվել է ընդունել ուկրաինացի փախստականների համար մարդասիրական օգնություն տեղափոխող ճապոնական ինքնաթիռը, որը պետք է բեռներ հասցներ Ուկրաինայի հետ հարևան երկրներ՝ Լեհաստան և Ռումինիա. այդ մասին հայտնում է ճապոնական Kyodo գործակալությունը։
Դրա համար, որպես տարանցիկ կետեր, օգտագործվում են Հնդկաստանը և Արաբական Միացյալ Էմիրությունները։ Գործակալության տվյալներով՝ Դելիի հետ հարցը կարգավորվել է աշխատանքային մակարդակով, սակայն ապրիլի 20-ին մերժում է ստացվել։ Հստակեցվում է, որ Հնդկաստանի իշխանությունները որպես պատճառ նշել են անբավարար համակարգումը։
Ավելի վաղ հաղորդվում էր, որ Տոկիոն ուկրաինական կողմին տրամադրվելիք վարկերի չափը 100 մլն դոլարից կհասցնի 300 մլն դոլարի։
