Առնվազն 1 մարդ է զոհվել Ուկրաինայի մայրաքաղաք Կիևի վրա երրորդ գիշերն անընդմեջ անօդաչու թռչող սարքերի և հրթիռների հարձակման հետևանքով։ Այս մասին գրել է Euronews-ը։
Մոսկվայի իշխանությունները հայտնել են Ռուսաստանի մայրաքաղաքի վրա անօդաչու թռչող սարքի հարձակման մասին։
Ռազմաօդային ուժերի կողմից Կիևի օդային տարածքում ոչնչացվել է առնվազն 20 «Շահեդ» անօդաչու թռչող սարք՝ վերջին 24 ժամվա ընթացքում քաղաքի վրա Ռուսաստանի երրորդ հարձակման արդյունքում, հայտնում է Կիևի ռազմական ղեկավարությունը։
Մոսկվայում բնակիչները հայտնել են, որ պայթյուններ են լսել, իսկ քաղաքապետ Սերգեյ Սոբյանինը ավելի ուշ հաստատել է, որ ԱԹՍ հարձակում է եղել:
Սոբյանինը տելեգրամյան գրառման մեջ նշել է, որ հարձակումն «աննշան վնաս» է հասցրել մի քանի շենքերի, և որ ոչ ոք լրջորեն չի տուժել:
«Հարձակման հետևանքով վնասված երկու շենքերի բնակիչները տարհանվել են»,- ասել է Սոբյանինը։
Ուկրաինացի պաշտոնյաների կողմից հարձակումների վերաբերյալ որևէ մեկնաբանություն չի եղել:
