Ռուսական ընկերությունը շուտով պայմանագիր կստորագրի Իրանի հետ «Հյուսիս-Հարավ» միջազգային տրանսպորտային միջանցքի շրջանակներում «Ռեշտ-Աստարա» երկաթուղային հատվածի կառուցման մասին: Այդ մասին ՌԻԱ Նովոստիին հայտնել է ՌԴ նախագահի օգնական Իգոր Լեւիտինը:
«Շուտով կլինի պայմանագրի ստորագրում»,-ասել է նա։
Նա հավելել է, որ «Հյուսիս-Հարավ»-ը Ռուսաստանի համար լրացուցիչ բեռներ փոխադրելու հնարավորություն է, հատկապես դա վերաբերում է պարենամթերքին։
Նրա խոսքով՝ «Հյուսիս-Հարավ» միջազգային տրանսպորտային միջանցքի ողջ երկայնքով փոխադրման տոննաժն այս պահին կազմում է 15 մլն տոննա։ Սակայն, Լեւիտինի խոսքով, այն ապագայում կկրկնապատկվի՝ հասնելով 30 միլիոն տոննայի։
