Հուլիսի 8-ին, ժամը 23.20-ի սահմաններում, Երևան-Մեղրի ճանապարհի 115,9-րդ կմ-ին «Մերսեդես» մակնիշի ավտոմեքենան բախվել է ճամփեզրին կայանված «ԿամԱԶ»-ին: «Մերսեդեսի» 58-ամյա ուղևոր Բայթուն Գրիգորյանը հիվանդանոց տեղափոխվելու ճանապարհին մահացել է, իսկ 56-ամյա ուղևորուհին՝ Սուսան Բաղդասարյանը, մահացել է հիվանդանոցում։ Այս մասին հայտնում են ՀՀ Ոստիկանությունից։
«Մերսեդեսի» 26-ամյա վարորդը և երկու ուղևորները մարմնական վնասվածքներով տեղափոխվել են հիվանդանոց:
Կատարվում է նախաքննություն:
