Ստեփանակերտի հրապարակում մի քանի ժամ լարված իրավիճակ է, ըստ Տելեգրամյան ալիքների, րոպեներ առաջ ժողովրդի հետ խոսեց Արայիկ Հարությունյանը՝ հայտարարելով, որ Ադրբեջանի կողմից առևանգված երիտասարդները հաշված օրերի ընթացքում կվերդարձվեն: Նա նաև հայտարարեց, որ միակ ճանապարհը Լաչինի ճանապարհն է լինելու և այն կբացվի՝ ստեղծելով հնարավորություն բոլոր նրանց համար, ովքեր ցանկանում են հեռանալ: Ի պատասխան հրապարակում հավաքված մարդիկ բղավում էին, որ չեն հավատում Արայիկ Հարությունյանին՝ պահանջելով վերջինիս հրաժարականը:
Արցախի նախագահը նաև հայտարարեց, որ ոչ Պուտինը, ոչ Բայդենը չեն օգնելուԱրցախին, Արցախին օգնողներ չեն լինելու և պետք է արցախցիները միասին դուրս գան ստեղծված իրավիճակից: Ինչ վերաբերում է պարենի խնդրին, Արայիկ Հարությունյանը հայտարարեց, որ Լաչինի ճանապարհի միջոցով են լուծելու այդ հարցը: Այս պահի դրությամբ իրավիճակն Արցախում շարունակում է լարված մնալ: Մարդիկ պահանջում են Արայիկ Հարությունյանի հրաժարականն՝ ուղղելով նրան հարցեր, թե ի՞նչ գնով պետք է բացվի Լաչինի ճանապարհը, ի՞նչ է դեռ պետք հանձնել, որոնց ի պատասխան Հարությունյանը հայտարարել է, որ հարցերը չեն լսվում:
