Ադրբեջանի և Հայաստանի «պայմանական» սահմանին ձերբակալվել է Չեխիայի քաղաքացի, ով փորձել է հայկական կողմից Ադրբեջան մտնել, պնդում է ադրբեջանական Minval լրատվամիջոցը։
Ներկայումս Բաքուն «հետաքննություն է անցկացնում և պարզում բոլոր հանգամանքները»։
«Սակայն լուրջ հիմքեր կան ենթադրելու, որ այս քաղաքացին եղել է գործակալ և լրտեսական առաքելություն է կատարել։ Հատկանշական է նաև, որ վերոնշյալ Չեխիայի քաղաքացին առանց որևէ խնդրի շրջել է ականապատ դաշտերով և անցել հայկական դիրքերը։
Կան նաև լուրջ հիմքեր ենթադրելու, որ այս քաղաքացին կարող էր հետախուզական առաքելություն իրականացնել ԵՄ առաքելության համար արդեն իսկ Ադրբեջանի տարածքում։ Եվ Ֆրանսիան, ըստ երևույթին, կանգնած է այս վտանգավոր խաղերի հետևում»,- շարունակում է Minval զարգացնել դավադրության իր «փայլուն» տեսությունը։