Տեսանելի ապագայում ՌԴ նախագահ Վլադիմիր Պուտինը և Հայաստանի վարչապետ Նիկոլ Փաշինյանը կկարողանան անձամբ քննարկել երկու երկրների հարաբերությունների բոլոր հարցերը։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը։
«Մենք հուսով ենք, որ տեսանելի ապագայում հնարավորություն կլինի առաջնորդներին անձամբ քննարկել նման հարցեր, եթե դրանք լինեն օրակարգում», - ասել է Կրեմլի ներկայացուցիչը։
Նշենք, որ ԱԺ-ում այսօր իր ելույթի ժամանակ ՀՀ վարչապետ Նիկոլ Փաշինյանը հայտարարել էր, որ Հայաստանը ոչ մի սխալ քայլ չի արել Ռուսաստանի հետ հարաբերություններում, մինչդեռ հակառակ դեպքերը, ցավոք սրտի, բազմաթիվ են։