Դորտմունդի «Բորուսիա»-ն նորանշանակ գլխավոր մարզիչ Տոմաս Տուխելի գլխավորությամբ շարունակում է նախապատրաստվել 2015/16թթ մրցաշրջանին:
«Բորուսիան» հուլիսի 4-ին ընկերական խաղ անցկացրեց տարբեր մարզաձեւերում աշխարհի և օլիմպիական չեմպիոն դարձած գերմանացի մարզիկներից կազմված թիմի հետ և առավելության հասավ ոչ ֆուտբոլային հաշվով:
Դորտմունդի «Սիգնալ Իդունա Պարկ» ստադիոնում կայացած խաղում Թոմաս Տուխելի թիմը խփեց 17 անպատասխան գոլ:
Հայաստանի ազգային հավաքականի կիսապաշտպան Հենրիխ Մխիթարյանը մեկնարկային կազմում էր:
Հանդիպման լավագույն ֆուտբոլիստ է ճանաչվել Պյեր-Էմերիկ Օբամեյանգը, ով մասնակցել է առաջին խաղակեսին և 6-16-րդ րոպեների ընթացքում ձևակերպել հեթ-տրիկ:
