Կիլիկիա Հայաստան ֆեյսբուքյան էջը գրում է.
Մայիսի 12-ի ուշ երեկոյան Թուրքիայի Դիարբեքիր նահանգում , Դիարբեքիր - Սարիղամիշ ավտոմայրուղու սկզբնամասում, Սարըքամըշ բնակավայրի տարածքում պայթած մեքենայի հետևանքով զոհերի թիվը հասել է 16-ի: Հիշեցնեմ, որ PKK-ի զինյալներին պատկանող բեռնատարը փոխադրելիս է եղել 15 տոննա պայթուցիկ, երբ ճանապարհային անվտանգության ուժերը կանգնեցրել են մեքենան, տեղի էր ունեցել պայթուն:Հայտնի էր, որ մեքենայում գտնվող անձիք, առնվազն երեք հոգի, զոհվել էին, իսկ 25 մարդ վիրավորվել էր: Պայթունից հետո անհայտ կորած էին համարվում 13 մարդ: Ստամբուլի ԴՆԹ-ի նույնականացման և վերլուծության կենտրոնի անալիզների պատասխանների համաձայն, բոլոր անհայտ կորած 13 քաղաքացիները զոհվել են այդ պայթունի ժամանակ, նրանց մարմնի մասերը հայտնաբերվել են պայթունի վայրում:
