Վարդան Ոսկանյանը ֆեյսբուքյան իր էջում գրում է.
Չգիտեմ, որևէ մեկը հատուկ արձանագրել է, թե ոչ, բայց Թուրքիայի դեպքերը ցույց տվեցին, որ արդի աշխարհում հեղաշրջման դասագրքային համարվող գործողությունների մի հատվածը փաստացիորեն կորցրել է իր արդյունավետության զգալի մասը:
Այս առումով ամենահայտնի և բավական ուժեղ համարվող քայլերից մեկը՝ հեռուսստատեսության գրավումն, ըստ էության, գրեթե անարդյունավետ է, եթե աշխատելու է թեկուզ միայն Skype-ը:
Եթե, այսպես կոչված, արաբական գարունները կարելի է նաև բնորոշել որպես ֆեյսբուքյան կամ թվիթերյան հեղափոխություններ, ապա թուրքական վերջին իրադարձությունների համատեքստում միգուցե սկսենք շրջանառել ներպետական խոշոր ճգնաժամի «սկայպային կառավարում» եզրույթը:
