Այսօր օգոստոսի 16-ին, Երևանում հանդիպել են Հայաստանի և Ռուսաստանի ՊՆ նախարարներ Սեյրան Օհանյանն ու Սերգեյ Շոյգուն: Հանդիպման ժամանակ քննարկվել են հարցեր, որոնք վերաբերում են Անդրկովկասյան տարածաշրջանի անվտանգությանը և ռազմական ոլորտում երկկողմ համագործակցությանը:
«Կարծում եմ, որ մենք այսօր կարող ենք քննարկել տարածաշրջանի անվտանգությանը և ռազմատեխնիկական ոլորտում համագործակցությանը վրաբերող հարցեր: Պլանը շատ դինամիկ է և նախատեսում է մեծ թվով միջոցառումներ»,-ասել է Շոյգուն՝ հավելելով, որ ռուսական կողմը պատրաստ է քննարկել ավելի մեծ թվով հայ զինվորականների ռուսական բուհերում ուսանելու հնարավորություն տալու հարցը:
Շոյգուն նաև շնորհակալություն է հայնել հայկական կողմին լավ ընդունելության համար և նշել է, որ սա ևս մեկ առիթ է երկու երկրների հարաբերությունների մասին խոսելու համար՝ ինչպես երկկողմ համագործակցության ֆորմատով, այնպես էլ՝ ՀԱՊԿ-ի շրջանակներում:
