ԱՄՆ նախագահական ընտրություններում թեկնածու Դոնալդ Թրամփը զբաղված է Ռուսաստանի նախագահ Վլադիմիր Պուտինին գովաբանելով: Այս մասին Նևադայում իր ելույթի ժամանակ հայտարարել է Միացյալ Նահանգների նախագահական ընտրություններում Դեմոկրատական կուսակցության թեկնածու Հիլարի Քլինթոնը, փոխանցում է Time-ը:
«Թրամփը խոսքեր չի խնայում Պուտինին գովաբանելու համար և առաջ է տանում պրոռուսական քաղաքականությունը: Նա ճանաչում է Ղրիմի անեքսիան, Արևելյան Եվրոպայում արձակում է Կրեմլի ձեռքերը և այլն: ԱՄՆնախագահները՝ սկսած Հարրի Թրումենից մինչև Բարաք Օբամա, Ռուսաստանի հետ հարաբերություններում չեն կիսել Թրամփի մոտեցումը»,-ասել է Քլինթոնը:
Քլինթոնը միևնույն ժամանակ Պուտինին անվանել է ծայրահեղ նացիոնալիզմի համաշխարհային բրենդի կնքահայր: