ՌԴ ԱԳՆ պաշտոնական ներկայացուցիչ Մարիա Զախարովան ֆեյսբուքյան իր էջում պատասխանել է ԱՄՆ պետքարտուղարության խոսնակ Ջոն Քիրբիի այն հայտարարությանը, որ Սիրիայից գրոհայինները կարող են հարձակվել ռուսական քաղաքների վրա: Զախարովան մասնավորապես նշել է, որ դա նման է «Ֆաս» հրամանի:
Ավելի վաղ՝ սեպտեմբերի 28-ին, Քիրբին քննադատել էր Մոսկվային Դամասկոսին աջակցություն ցուցաբերելու համար և հնարավոր համարել սիրիացի գրոհայինների հարձակումը Ռուսաստանի քաղաքների վրա:
Քիրբին նաև խոսել էր այն մասին, որ ռուսական կողմը հնարավոր է ինքնաթիռներ կորցնի:
