Հովհաննես Մանուկյանը ֆեյսբուքյան իր էջում գրում է.
Հարգելի բարեկամներ,
Մարդու իրավունքների միջազգային օրը որոշեցի խոսել խտրականությունից: Նկատած կլինեք, որ շատ ենք հեռացել բառերի, սահմանումների իրական իմաստներից, հետևաբար և այն գաղափարներից, որոնք ի սկզբանե դրվել են դրանց հիմքում: Իհարկե սա պայմանավորված է նաև երևույթների՝ յուրաքանյուրի մեկնաբանությամբ, սակայն գերագույն արժեքների մետամորֆոզները ոչ միայն անթույլատրելի են, այլև վտանգավոր:
Մարդու իրավունքների պաշտպանությունն ինքնին ենթադրում է խտրական վերաբերմունքի բացառում: Այսօր աշխարհը դավանում է տարբեր արժեքներ և նույնակերպ չի ընկալում ԽՏՐԱԿԱՆՈՒԹՅՈՒՆ և ՄԱՐԴՈՒ ԻՐԱՎՈՒՆՔՆԵՐ երևույթները: Երկրագնդի մի հատվածում ավանդականը պահպանելու դաժան, հաճախ մարդկային կորուստներով լի փորձերն են, մյուս մասում օրինակ XXL չափսերով մոդելների՝ ընդունված պարամետրերով մոդելների հետ հավասար պոդիում դուրս գալու իրավունքի համար անզիջում պայքար մղող ցուցարարները:
Խտրականության հարցում հավասարակշռություն, ներառական մոտեցում և իրավունքների բանական իրացման անհրաժեշտ պայմաններ. ահա այն բանաձևը, որն առաջարկում է առաջադեմ մարդկությունը:
Ինքնադրսևորման հնարավորություններ բոլորին և իրավունքների համար պայքարողներին առաջնահերթ…
