Ռուսաստանի արտգործանախարարությունը հաստատել է, որ Սիրիայում մարտական գործողությունների ժամանակ Ռուսաստանի և ԱՊՀ անդամ երկրների տասնյակ քաղաքացիներ են տուժել: Հայտարարության մեջ միջևնույն ժամանակ նշվում է, որ տուժածները զինվորականներ չեն:
Հայտարարության մեջ խոսվում է այն մասին, որ օրեր առաջ տեղի ունեցած բախման ժամանակ գրանցվել են զոհեր, կան տասնյակ վիրավորներ:
ՌԴ ԱԳՆ-ն նաև հայտնում է, որ տուժածները Սիրիա են գնացել իրենց կամքով և տարբեր նպատակներով:
Ավելի վաղ ՌԴ ԱԳՆ պաշտոնական ներկայացուցիչ Մարիա Զախարովան հայտնել էր, որ Սիրիայում ամերիկյան ուժերի հետ բախման արդյունքում հնարավոր է ՌԴ քաղաքացիներ են զոհվել: