Հայաստանում շատ տեղեր ունենք, որտեղ բարեկարգ վիճակ է, ճանապարհը կառուցված է, շենքը կառուցված է, տանիքը կառուցված է, սակայն միևնույնն է այն չէ: Խորհրդարանում հայտարարեց ՀՀ վարչապետ Նիկոլ Փաշինյանը՝ նշելով, որ մեր ամենամեծ խնդիրն այն է, որ բնակավայրերում գույն չկա:
«Եթե ուշադիր նայեք մեր հատկապես գյուղական բնակավայրերը, գույն ընդհանրապես չկա, գորշ շենքերի հավաքածու է: Իսկ գույնը երջանկության հետ է կապված, որովհետև մթնոլորտը, միջավայրը շատ կարևոր է, իհարկե պայմանով, որ երջանիկ կարող է լինել աշխատող, ստեղծագործող, սեփական վաստակով սեփական բարեկեցություն կառուցող մարդը: Ուրիշի ողորմության հույսին գտնվով մարդը չի կարող երջանիկ լինել»։