Հայաստան Քաղաքականություն 

Վստահ եմ, որ նա այլևս երբեք չի դառնալու դատապարտյալ. Արսեն Բաբայան

Արսեն Բաբայանը ֆեյսբուքյան իր էջում գրում է.

«Ես ապրելու մի կարևոր սկզբունք ունեմ․ նույնիսկ ամենաբարդ իրավիճակում չսահմանափակվել միայն այդ կոնկրետ իրադարձության մասին մտածելով: Ուշադրության կենտրոնում մշտապես պահել շուրջդ տեղի ունեցող բոլոր նշանակալի (թեկուզ սկզբում մանրուք թվացող) իրադարձությունները:

Այսօր, երբ Հայաստանում տեղի էր ունեում իր բնույթով աննախադեպ վատ իրադարձություն, համեմված աննախադեպ ապօրինություններով, այն է՝ ՍԴ նախագահ Հրայր Թովմասյանի տան խուզարկությունն ու դրա ընթացքը, զուգահեռ տեղի ունեցավ մեկ այլ, թեկուզ ոչ աննախադեպ, բայց շատ դրական իրադարձություն:

Ցմահ ազատազրկման դատապարտված և շուրջ 24 տարի բանտում անցկացրած Աշոտ Մանուկյանը դատարանի որոշմամբ այսօր ազատություն ստացավ: Դատարանը Մանուկյանին վաղաժամկետ ազատեց պատժի կրումից:

Շնորհավորում եմ Մանուկյանին: Շատ ուրախ եմ, որ նոր կյանք սկսելու սպասված հնարավորություն ստացավ: Վստահ եմ, որ նա այլևս երբեք չի դառնալու դատապարտյալ:

Ուրախ եմ նաև մեր պետության համար, որ կարողացավ ուղղել և հասարակությանը վերադարձնել իր քաղաքացուն:

Նախկինում, երբ աշխատում էի քրեակատարողական ծառայությունում, առիթ եմ ունեցել շփվելու ցմահ ազատազրկմամբ պատիժ կրող անձանց հետ, և համոզվել եմ, որ նրանցից շատ շատերն իսկապես արժանի են վերադառնալ լայն հանրության շարքեր»:

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից