Հռոմի պապ Ֆրանցիսկոսն աղոթում է այն մարդկանց համար, ովքեր վարակվել են Չինաստանում հայտնաբերված նոր տեսակի կորոնավիրուսով և այս հիվանդության դեմ պայքարի հաջողության համար։ Այս մասին հայտնում է ՌԻԱ Նովոստին։
«Ես ուզում եմ աղոթել այն մարդկանց համար, ովքեր հիվանդացել են Չինաստանում տարածված վիրուսի պատճառով: Տե՛ր, ընդունիր աշխարհում մահացածներին, մխիթարիր ընտանիքներին և աջակցիր այն համընդհանուր ջանքերին, որոնք Չինաստանի համայնքի կողմից արդեն իսկ արվել են համաճարակի դեմ պայքարի համար»,-ասել է նա՝ Վատիկանի Սուրբ Պետրոսի հրապարակում հավաքված հավատացյալների հետ հանդիպման ժամանակ։
