Այսօր Եռաբլուրում լրագրողների հետ զրույցում ՀՀ Պաշտպանության նախարար Դավիթ Տոնոյանը հիշեց իր ժամկետային ծառայության տարիների առաջին դժվարությունների մասին. «Առաջին դժվարություններից էին առաջին համազգեստ հագնելը, առաջին անհարմար ճտքակոշիկները: Այն ժամանակ գուլպաների փոխարեն ունեինք «պարտյանկաներ»: Հետաքրքիր էր»:
Հարցին՝ գնալու է արդյո՞ք այսօր վարչապետի հետ Արցախ, ինչպես գրում էր մամուլը, Տոնոյանը նշեց, որ չի կարող բացահայտել վարչապետի շարժը. «Բայց անհոգ եղեք, տոնելու ենք շատ մեծ շուքով: Իրականում այսօր շատ լավ տոն է, մեր հպարտ տոներից մեկն է»: