Մինչ օրս կա մոտ 200 մեկուսացված անձ: Այս մասին քիչ առաջ ֆեյսբուքյան ուղիղ եթերում հայտարարեց Առողջապահության նախարար Արսեն Թորոսյանը:
Նախարարը նշեց, որ մասնավորապես Էջմիածնում առաջին պացիենտի հետ շփում ունեցողների ու այդ շփում ունեցողների հետ շփում ունեցողների գրեթե ողջ շրջանակը բացահայտված է ու նրանք մեկուսացված են:
Թորոսյանը նաև հորդորեց տանից հնարավորինս դուրս չգալ, ոչ շտապ հանրային միջոցառումները հետաձգել, առիթն օգտագործել տանը, ոչ թե հանրային վայրերում գտնվելու համար, իսկ եթե տանից դուրս գալու անհրաժեշտություն կա, մարդկանցից 1-2 մետր հեռավորություն պահպանել: Նաև չմոռանալ հիգիենայի մասին:
Այս պահին Հայաստանում կորոնավիրուսով վարակվածների թիվը հասնում է 15-ի: