Բելգիացի կիսապաշտպան Մարուան Ֆելաինին, ով վարակվել է կորոնավիրուսով, մարզումներ է անցկացրել հիվանդասենյակում: Համապատասխան տեսանյութը վերջինս հրապարակել է Ինսթագրամի իր էջում։
Տեսանյութում երևում է, թե ինչպես է ֆուտբոլիստը կատարում վարժություններ․ «Ես հիվանդանոցում եմ, բայց ամեն օր ավելի ուժեղ եմ դառնում»,-գրել է նա:
Ֆուտբոլիստը, ում մոտ հաստատվել է կորոնավիրուսը, տեղափոխվել է Չինաստանի Ցզինանի ինֆեկցիոն հիվանդանոց: Թե որքան ժամանակ նա պետք է անցկացնի այնտեղ, չի նշվում։
