Հնդկաստանի ոստիկանն ընտրել է օրիգինալ տարբերակ կորոնավիրուսի վտանգների մասին մարդկանց իրազեկելու համար: Այս մասին հայտնում է Լենտան՝ հղում անելով CNN-ին:
Ոստիկան Ռաջեշ Բաբուն հարավային Չենայ քաղաքում քաղաքացիների իրազեկման գործընթացն իրականացնում է պաշտպանիչ սաղավարտով, որը պատրաստված է «կորոնավիրուսի» տեսքով։
Նշվում է, որ կարմիր գույնի սաղավարտն այնպիսի տեսք ունի, ինչպիսին կարելի է տեսնել կորոնավիրուսը մանրադիտակի տակ։