Ես մեր երկրի բոլոր քաղաքացիներին կոչ եմ անում, խնդրում եմ հնարավոր ճշգրտությամբ պահել պարետատան սահմանած սահմանափակումները: Կապիտալ ծրագրերի իրականացման ընթացքի վերաբերյալ խորհրդակցության ժամանակ հայտարարեց ՀՀ վարչապետ Նիկոլ Փաշինյանը:
Վարչապետը նաև ներողություն խնդրեց բոլոր սահմանափակումների համար, որոնք ստիպված են կիրառել. «Մենք չենք կարող չկիրառել, հակառակ դեպքում դրանով հարվածի տակ կդնենք մեր հազարավոր քաղաքացիների, որոնք կարող են զոհ գնալ կորոնավիրուսին: Սա ճգնաժամային, բացառիկ պահ է և պահանջում է, որ մենք մեր ուժերը կենտրոնացնենք հանրային միասնականության, փոխադարձ հարգանքի և ըմբռնման նոր որակ ու մակարդակ ապահովելու համար: Սա է այն պարտադիր նախապայմանը, որը մեզ կօգնի ժամ առաջ հաղթահարել այս ճգնաժամը»:
