Հազարավոր չինացի զբոսաշրջիկներ կարանտինից հետո բարձրացել են լեռը և մնացել այնտեղ: Համապատասխան տեսանյութը և մանրամասները հրապարակել է Daily Mail-ը, փոխանցում է Լենտան։
Հանգստյան օրերին, ապրիլի 5-ին և 6-ին, կառավարությունը բացել է զբոսայգին այցելուների համար և մուտքն անվճար է դարձրել: Արդյունքում, այգու արահետն ուղղակի լցվել է զբոսաշրջիկներով, ինչից հետո այն ստիպված են եղել ժամանակավորապես փակել։
Համացանցում տեղադրված տեսանյութերում ու լուսանկարներում երևում է, թե ինչպես են դիմակով չինացիների բազմությունը դանդաղորեն փորձում առաջ շարժվել այգու նեղ ճանապարհով: