Այսօր ֆեյսբուքյան օգտատերերից մեկն իր էջում գրառում էր կատարել՝ հայտնելով, որ իր տեղեկություններով, Նորքի Ինֆեկցիոն հիվանդանոցից կորոնավիրուսով վարակված 3 պացիենտ է փախուստի դիմել:
Analitik.am-ի հետ զրույցում ՀՀ առողջապահության նախարարության լրատվական ծառայությունից հերքեցին տեղեկությունները՝ նշելով, որ դրանք չեն համապատասխանում իրականությանը: Նախարարությունից պնդեցին, որ Նորք ինֆեկցիոն հիվանդանոցից որևէ պացիենտ փախուստի չի դիմել։
