Ուհանի ծովամթերքի շուկայի աշխատակիցները, ովքեր անգործ էին մնացել այն բանից հետո, երբ շուկան փակվել էր կորոնավիրուսի առաջին բռնկումից հետո, այլ վայրում նոր տեղեր են վարձել ու վերադարձել աշխատանքի: Այս մասին գրում է Daily Mail-ը:
Ուհանի շուկայի նախկին աշխատակիցներից մեկը նշել է, որ իր նախկին գործընկերներից շատերը տեղափոխվել են նոր վայրեր, որպեսզի կարողանան գումար վաստակել: Միևնույն ժամանակ, նա ասել է, որ փակ շուկայում առևտուրն ավելի լավ էր ընթանում, ուստի անհամբերությամբ սպասում են, թե երբ իշխանությունները կորոշեն վերսկսել աշխատանքը փակ տարածքում:
Մեկ այլ վաճառող ասել է, որ իր ընտանիքը ծովամթերքի շուկայում խեցգետիններ է վաճառել 2002 թվականից մինչև այն փակվել է 2020 թվականի հունվարին: Այժմ տղամարդը ստիպված է խեցգետին վաճառել հենց փողոցում․ «Գործերը շատ վատ են»,-խոստովանել է նա: