ԱՄՆ-ում տեղի ունեցող բողոքի ցույցերը, որոնք առաջացել են կոպիտ ձերբակալության ընթացքում սևամորթ Ջորջ Ֆլոյդի սպանության արդյունքում, ընդգծում է ինչպես ոստիկանական համակարգում առկա բռնության խնդիրը, այնպես էլ սոցիալական ոլորտում ընդհանուր անհավասարությունը: Այս մասին հայտարարել է ՄԱԿ-ի մարդու իրավունքների գերագույն հանձնակատար Միշել Բաչելետը։
Ըստ իրավապաշտպանի, ամերիկացիների դժգոհությունն ընդգծում է երկու խնդիր՝ ոստիկանության սպաների դաժան պահվածքն ու սոցիալական անհավասարությունը:
Բաչելետը նշել է, որ խնդիրներ կան նաև առողջապահության, կրթության և ռասայական խտրականության ոլորտներում: Նա հավելել է, որ նմանատիպ խնդիրներ կան նաև այլ երկրներում, որտեղ ռասայական փոքրամասնությունները խտրականության են ենթարկվում:
Բացի այդ, նա առանձնացրել է էթնիկական փոքրամասնությունների խնդիրները կորոնավիրուսի պանդեմիայի ժամանակ՝ որպես օրինակ նշելով Ֆրանսիան, Բրազիլիան և ԱՄՆ-ն:
Ըստ նրա, կորոնավիրուսը ցույց է տվել աճող սոցիալական անհավասարությունը, որը նախկինում երկար ժամանակ թաքնված է եղել: