Միլիոնավոր մարդիկ սկսում են վարել առողջ ապրելակերպ՝ սննդակարգում ներառելով տարբեր տեսակի վիտամիններ:
Առողջ սննդակարգը ոչ միայն նպաստում է առողջ քաշի կորստին և բարեկեցությանը, այլև առանցքային դեր է խաղում առողջական խնդիրների մեծ մասի կանխարգելման գործում:
Վիտամիններն օրգանական միացություններ են, որոնք կատարում են տարբեր գործառույթներ, բայց դրանք բոլորն աշխատում են համատեղ: Որոշ վիտամինների անբավարարությունը կարող է հանգեցնել լուրջ հիվանդության:
Անհրաժեշտ է ամեն օր ստանալ բնական, սննդարար մթերքներից անհրաժեշտ վիտամիններ:
1.Վիտամին А
Օրգանիզմին անհրաժեշտ է վիտամին A, քանի որ այն շատ գործառույթներ ունի: Այն անհրաժեշտ է ոսկորները, փափուկ հյուսվածքները, մաշկը, լորձաթաղանթը և ատամներն ամրացնելու համար:
Վիտամին A-ն օգնում է նաև կանխել քրոնիկ հիվանդությունները, բարելավել տեսողությունը և իմունային համակարգի գործառույթները, ինչպես նաև դանդաղեցնել ծերացման գործընթացը։
A վիտամինով հարուստ մթերքներ.
գազար, դդում, լոլիկ, բրոկոլի, պապայա, կաղամբ, ձու, լյարդ, կաթ:
2.Վիտամին В2
B2-ն անհրաժեշտ է նորմալ աճի և զարգացման համար, նպաստում է առողջ նյութափոխանակությանը, կարող է բարձրացնել էներգիայի մակարդակը, բարելավել իմունային համակարգի աշխատանքը, նվազեցնել անհանգստության, սթրեսի և հոգնածության զգացողությունները:
Վիտամին B2-ով հարուստ սնունդ.
Կանաչ տերևավոր բանջարեղեն, խմորիչներ, ձավարեղեն, սոյա, սունկ, ընկույզ։
3.Վիտամին В6
B6-ն ապահովում է իմունային համակարգի պատշաճ գործունեությունը, նպաստում է հորմոնների և նյարդափոխանակման արտադրությանը, որոնք մեղմացնում են դեպրեսիայի, հիշողության կորստի և սրտի հիվանդությունների ախտանիշները, ինչպես նաև օգնում են բարելավել արյան շաքարի մակարդակը:
Մթերքներ, որոնք հարուստ են B6 վիտամինով․
Ձուկ, քաղցր կարտոֆիլ, բանան, դեղին գույնի մրգեր, սեխ, պանիր, յոգուրտ, ոսպ։
4.Վիտամին B12
Այս վիտամինը պատասխանատու է ստամոքս-աղիքային տրակտի առողջ գործունեության և նյութափոխանակության բարելավման ու սպիտակուցների նորմալ սինթեզի համար: Առողջ քանակությամբ վիտամին B12-ը կանխում է հիշողության կորուստը և սրտի հետ կապված հիվանդությունը, պատասխանատու է նյարդի և ուղեղի օպտիմալ գործունեության համար:
Վիտամին B12-ով հարուստ մթերքներ․
Պանիր, ձու, կաթնամթերք։
5.Վիտամին B9
B9-ը կենսական նշանակություն ունի սրտանոթային հիվանդությունների և հիպերտոնիկ հիվանդությունների կանխարգելման համար, օգնում է կանխարգելել դեպրեսիան, Ալցհայմերի հիվանդությունը, քաղցկեղը և հիշողության կորուստը, բարելավում է կանանց պտղաբերությունը և նպաստում պտղի առողջ զարգացմանը:
Վիտամին B9-ով հարուստ մթերքներ.
Նարնջի հյութ, ծնեբեկ, սեխ, ելակ, հացահատկեղեն, սննդային խմորիչներ, ձու։
6.Վիտամին C
Այս վիտամինը կարևոր է հյուսվածքների պատշաճ զարգացման համար, նվազեցնում է քաղցկեղի որոշ տեսակների ռիսկը, կանխում է հյուսվածքների վնասումը և առանցքային դեր է խաղում արյան էրիտրոցիտների ձևավորման գործում:
Մթերքներ, որոնք հարուստ են վիտամին C-ով․
Բրոկոլի, պղպեղ, կարտոֆիլ, ելակ, լոլիկ, ցիտրուսային մրգեր։
7.Վիտամին D
Վիտամին D-ն օգնում է կալցիումի կլանելուն՝ ամրացնելով և առողջ պահելով ոսկորները, նվազեցնում է բազմակի սկլերոզի, ռևմատոիդ արթրիտի և քաղցկեղի որոշ տեսակների ռիսկը:
Մթերքներ, որոնք պարունակում են վիտամին D․
Ձու, կաթ։
8.Վիտամին E
Այն ունի երիտասարդացնող հատկություններ, որը դանդաղեցնում է մաշկի ծերացման գործընթացը, կանխում է կատարախտի զարգացումը, հիշողության կորուստը, սրտի հիվանդությունը և քաղցկեղը:
Մթերքներ, որոնք հարուստ են վիտամին E-ով․
Պնդուկ, նուշ, եգիպտացորենի յուղ, արևածաղկի սերմեր, գետնանուշի յուղ
9.Վիտամին K
Այս վիտամինն առանցքային դեր ունի ամուր ոսկորների պահպանման գործում, այն նպաստում է արյան նորմալ մակարդմանը և նվազեցնում է սրտի հիվանդությունների ռիսկը:
Մթերքներ, որոնք պարունակում են վիտամին K․
Ձավարեղեն, կանաչ տերևավոր բանջարեղեն, ձկան յուղ, սոյա։
