Առողջապահության համաշխարհային կազմակերպությունը (ԱՀԿ) մեկնաբանել է օդակաթիլային ճանապարհով կորոնավիրուսով փոխանցման վարկածը: Առողջապահության համաշխարհային կազմակերպության տեխնիկական փորձագետ Բենեդետտա Ալլեգրանցի խոսքերը փոխանցում է ՌԻԱ Նովոստին:
ԱՀԿ-ում գտնում են, որ հանրային վայրերում վիրուսի օդակաթիլային ճանապարհով փոխանցման հավանականությունը գոյություն ունի, օրինակ՝ փակ, վատ օդափոխվող տարածքներում: Միևնույն ժամանակ, Ալլեգրանցը նշել է, որ պաշտոնական հաստատման համար անհրաժեշտ է հավաքել և ճիշտ մշակել համապատասխան ապացույցները:
Այժմ ԱՀԿ առաջարկություններում ասվում է, որ վիրուսն արագորեն տեղակայվում է մակերեսի վրա, քանի որ պահպանվում է մեծ, ծանր կաթիլներում: Եթե ապացուցվի կորոնավիրուսի փոքր մասնիկներում լինելը, ԱՀԿ-ն ստիպված կլինի փոխել առաջարկությունները:
Այդպիսով, փակ տարածքներում անհրաժեշտ կլինի դիմակ կրել, իսկ բժիշկները ստիպված կլինեն կրել դիմակներ ամենաուժեղ ֆիլտրով, ինչը թույլ չի տա անցնել նույնիսկ ամենափոքր մասնիկներին:
Նույնը վերաբերում է նաև փակ տարածքներին. Անհրաժեշտ կլինի տեղադրել ավելի հզոր ֆիլտրներ, նվազեցնել օդի շրջանառությունը, ինչպես նաև ախտահանել ուլտրամանուշակագույն ճառագայթումով: