Չեչնիայի ղեկավար Ռամզան Կադիրովին քննադատել են աշխատանքային ժամերին դիմակ չկրելու համար. Քաղաքական գործիչը միանգամից այցելել է հանրապետության մի շարք ձեռնարկություններ՝ առանց անձնական պաշտպանիչ միջոցներիի: Համապատասխան մեկնաբանությունները հայտնվել են Գրոզնիի պետական հեռուստառադիոընկերության Instagram-ի էջում, փոխանցում է Լենտան:
Հրապարակման մեջ ասվում է, որ Կադիրովը այցելել է գյուղատնտեսական հոլդինգ, Ախմատ-Արենա մարզադաշտ, Ախմատ մարտարվեստի ակադեմիա և «Վեդուչի» լեռնադահուկային հանգստավայր: Գրոզնի հեռուստաալիքի հրապարակած կադրերում երևում է, որ նա շրջում է գյուղատնտեսական հոլդինգի տարածքում`առանց պաշտպանիչ դիմակի:
Օգտատերերին զայրացրել է Չեչնիայի առաջնորդի այս պահվածքը․ «Ո՞ւր է դիմակը»,-գրել է օգտատերերից մեկը, «Ուժեղացրել ենք դիմակների ռեժիմը, սոցիալական հեռավորության պահպանման ռեժիմը. դա միայն հասարակ մարդկանց համա՞ր է, նրանց դա պետք չէ՞»,-գրել է մեկ այլ օգտատեր։
