Թեստավորվում են ոչ միայն ուսուցիչները, այլ նաև դպրոցների աշխատակիցները: Այս մասին մամուլի ասուլիսի ժամանակ հայտարարեց ԿԳՄՍ նախարար Արայիկ Հարությունյանը:
Նախարարը նշեց, որ ուսուցիչների թեստավորումը կանխարգելիչ նպատակ ունի. «Այդ օղակը մեզ համար շատ կարևոր է, ընդհանուր կրթական գործընթացի շարունակականությունը շատ կարևոր է, դրա համար առաջին հերթին նրանք են թեստավորվում»:
Հարությունյանի խոսքերով, կանխարգելիչ միջոցառում ասելով նկատի ունի այն, որ թեստավորմամբ ուզում են կտրել շղթաները. «Նույն ուսուցիչները, որոնք այսօր թեստավորվել են, պարչտադիր չէ, որ հաջորդ օրը չեն կարող վարակվել: Բայց կանխարգելման այս գործընթացում մենք նվազագույնի ենք հասցնում դպրոցներ վարակի ներթափանցումը»:
