Մենք բռնապետական համակարգում չենք, ես որևէ կերպ որևէ պատգամավորի փոխարեն իր մանդատի հետ կապված չեմ կարող որոշում կայացնել, կարծիք հայտնել: Ամեն պատգամավոր ինքն է որոշում կայացնում ու հիմնավորումներ ներկայացնում: Հետևաբար ես անտեղի ու անհարկի եմ համարում այդ հարցերը: Իսկ ասեկոսեների մասով, որոնք լսել եք ու մի մասի մասով հերքում ստացել, պետք է լսենք հենց այդ պատգամավորների մեկնաբանությունները: Այս մասին լրագրողների հետ զրույցում հայտարարել է Լիլիթ Մակունցը՝ պատասխանելով հարցին՝ բացառում է արդյո՞ք, որ «Իմ քայլից» որոշ պատգամավորներ մանդատները վայր կդնեն:
Ավելի վաղ տեղեկություններ էին հայտնվել, որ «Իմ քայլից» մանդատները վայր են դնելու: Խոսքը վերաբերում է Գայանե Աբրահամյանին, Հովհաննես Հովհաննիսյանին, Գոռ Գևորգյանին, Լուսինե Բադալյանին, Համազասպ Դանիելյանին:
