Կորոնավիրուս Հասարակություն 

Մարդկանց կվարակեն կորոնավիրուսով՝ արդյունավետ պատվաստանյութ ստեղծելու համար

 

Մեծ Բրիտանիայում, կորոնավիրուսի դեմ պատվաստանյութի փորձարկումների ընթացքում նախատեսում են վարակել երկու հազար կամավորների: Այս մասին հայտնում է «Financial Times»-ը՝ հղում անելով իր աղբյուրներին:

Հրապարակման համաձայն՝ ուսումնասիրությունը կսկսվի Լոնդոնում 2021 թվականի հունվարին: Այն պաշտոնապես կհայտարարվի հաջորդ շաբաթ:

Փորձարկման կազմակերպիչների խոսքերով, դա թույլ կտա ընտրել կորոնավիրուսի դեմ ամենահեռանկարային պատվաստանյութերը՝ կլինիկական փորձարկումները, որոնք կսկսվեն 2021 թվականին:

Կամավորներին նախ կներարկեն պատվաստանյութը, իսկ մեկ ամիս անց՝ կորոնավիրուսի «փորձնական չափաբաժինը»: Դեղամիջոցի անվանումը նշված չէ:

Փորձարկման գիտական ​​բաղադրիչը ղեկավարելու են Լոնդոնի Իմպերիալ քոլեջը և բրիտանական hVIVO հետազոտական ​​խումբը:

Դրա ներկայացուցիչները շեշտել են, որ նման հետազոտությունը կարող է օգտակար լինել պատվաստանյութեր ստեղծելու համար, սակայն փորձարկումների մասնակիցների անվտանգությունը մնում է առաջնային:

 

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից