Դաշնակցության համար անընդունելի է «տարածքներ՝ խաղաղության դիմաց» բանաձևը, շարունակում է նաև անընդունելի մնալ առանց Արցախի անկախության ճանաչման հակամարտության լուծման որևէ տարբերակ: ՀՅԴ-ի համար շարունակում է անընդունելի մնալ հարցի փուլային լուծման վերաբերյալ շրջանառվող որևէ տարբերակ: Այս մասին հայտարարել է Իշխան Սաղաթելյանը՝ ներկայացնելով ՀՅԴ դիրքորոշումը Ղարաբաղյան հակամարտության լուծման վերաբերյալ:
Սաղաթելյանի խոսքերով, այս պատերազմում մենք չհաղթելու իրավունք չունենք, մենք պատասխանատու ենք մեր սերունդների առաջ, այս պատերազմում մեծ ու ծանր գին ենք վճարել, պետք է հաղթենք, սա մեր պետության գոյության հարցն է:
