Հասարակություն 

Գյումրի-Արմավիր ավտոճանապարհին ավտոմեքենայի կողաշրջվելու հետևանքով հոսպիտալացվել է 5 մարդ

 

Շիրակի մարզային ճգնաժամային կառավարման կենտրոնը hոկտեմբերի 23-ին, ժամը 19։52-ին տեղեկություն է ստացել, որ Հայկաձոր-Ջրափի ավտոճանապարհին տեղի է ունեցել ՃՏՊ, կան տուժածներ:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Գյումրի-Արմավիր ավտոճանապարհի 35-րդ կմ-ին «Land Rover» մակնիշի ավտոմեքենան (վարորդ՝ Ռազմիկ Հ․, ծնված 1982 թ.) դուրս է եկել ճանապարհի երթևեկելի հատվածից, հայտնվել դաշտամիջյան հատվածում (մոտ 10 մ) և կողաշրջվել:

Մինչ փրկարարների՝ կանչի վայր հասնելը վարորդը և ուղևոր Հովհաննես Հ․-ն (ծնված 1991 թ.) հոսպիտալացվել են Գյումրու բժծկական կենտրոն, իսկ ուղևորներ Կարեն (ծնված 2018 թ.), Արգիշտի (ծնված 2015 թ․) և Քրիստինե (ծնված 1989 թ.) Հակոբյանները տեղի ուժերով դուրս են բերվել ավտոմեքենայից և տեղափոխվել Գյումրու Մոր և մանկան ավստրիական հիվանդանոց:

Բժիշկները Հովհաննես Հ․-ի առողջական վիճակը գնահատել են ծանր, իսկ մյուսներինը՝ բավարար։

Փրկարարները փակել են գազի բալոնի փականը և հոսանքազրկել ավտոմեքե­նան:

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից