ՌԴ ԱԳ նախարար Սերգեյ Լավրովը կորոնավիրուսով վարակված անձնավորության հետ շփումից հետո ինքնամեկուսացման մեջ կգտնվի: Այս մասին հայտնում է ТАСС գործակալությունը՝ հղում անելով ՌԴ ԱԳՆ մամուլի ծառայությանը:
Նշվում է, որ նախապես ծրագրված այցերն ու հանդիպումները հետաձգվում են ավելի ուշ ժամկետի․ «Նախարարի ինքնազգացողությունը լավ է»,-հայտնել են գերատեսչությունից:
Հիշեցնենք, որ հոկտեմբերի 28-29-ը նախատեսվում է Լավրովի այցը Սարաևո և Բելգրադ:
Հոկտեմբերի 26-ին ռուս նախարարը վերադարձել է Հունաստանից:
