Ռուսաստանի նախագահ Վլադիմիր Պուտինը Հայաստանի ու Ադրբեջանի ղեկավարների հետ շփումներում քննարկում է Լեռնային Ղարաբաղի հակամարտությանը վերաբերող հարցերի լայն շրջանակ: Այս մասին հայտարարել է ՌԴ նախագահի խոսնակ Դմիտրի Պեսկովը, փոխանցում է ՏԱՍՍ-ը:
Խաղաղապահների վերաբերյալ Պեսկովն ասել է, որ նրանք հակամարտության գոտում կարող են հայտնվել միայն երկու կողմերի համաձայնությամբ:
Հարցին՝ պատրաստ է արդյո՞ք Ռուսաստանը խաղաղապահներ մտցնել Ղարաբաղ, եթե Հայաստանն ու Ադրբեջանը համաձայն լինեն, Պուտինի խոսնակն ասել է. «Ես այստեղ որևէ էվենտուալ եզրակացություն չէի անի: Ռուսաստանի նախագահը Հայաստանի ու Ադրբեջանի ղեկավարների հետ շփումներում քննարկում է հակամարտության վերաբերյալ հարցերի լայն շրջանակ»,-ասել է նա:
