Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան ՄԱԿ-ում Ուկրաինայի մշտական ներկայացուցիչ Սերգեյ Կիսլիցայի ելույթն անվանել է «թքել վետերանների դեմքին»: Այս մասին նա գրել է ֆեյսբուքյան իր էջում, փոխանցում է Լենտան:
Ըստ Զախարովայի, Կիսլիցայի հայտարարությունները, թե ԽՍՀՄ-ը հազարավոր ուկրաինացիներ է սպանել, և սովետական զինվորների համեմատությունները նացիստական Գերմանիայի զինվորների հետ վիրավորանք են Հայրենական մեծ պատերազմի բոլոր մասնակիցների համար, ովքեր ապրում են Ուկրաինայում:
Նա շեշտել է, որ նման խոսքերը նվաստացուցիչ են Կարմիր բանակի, պարտիզանական ջոկատների և ընդհատակյա զորքերի շարքերում կռված միլիոնավոր ուկրաինացիների հիշատակի նկատմամբ, ովքեր իրենց կյանքը տվել են աշխարհի ազատագրման համար:
Ռուս դիվանագետը նշել է, որ «պատմական ռևիզիոնիզմը և ռուսաֆոբիան այլևս զարմանալի չեն»:
