Տեսանյութեր Քաղաքականություն 

Հայկական կողմը լեգիտիմացրել է Ադրբեջանի ագրեսիան Ղարաբաղի նկատմամբ

 

Կապիտուլյացիայից հետո բոլորը շատ ակտիվ սկսեցին խոսել այն ամենի մասին, որի մասին քչերը՝  նաև ես, խոսում ենք 2,5 տարի: Այս մասին ԹՎ 5 հեռուստաընկերությանը տված հարցազրույցի ժամանակ ասել է ՀՀ երկրորդ նախագահ Ռոբերտ Քոչարյանը:

Այն հարցին, թե ինչու մինչ այժմ Քոչարյանը չի խոսել, վերջինս պատասխանեց. «Ես համարեցի, որ ժամանակ է պետք, որ հանրությունն իմանա ամբողջ ճշմարտությունը պատերազմի մասին, որից հետո իմ խոսքը կլինի ավելի առարկայական: Ցավոք, հազարավոր կորուստներ էր պետք, հայրենիքի 1/3 կորուստ էր պետք, որ հանրությունը գիտակցի դառն իրականությունը»:

Ինչ վերաբերում էր այն հարցին, թե արդյոք հնարավոր էր խուսափել պատերազմից, Քոչարյանը պատասխանել է. «Անկասկած հնարավոր էր խուսափել պատերազմից, ՀՀ իշխանությունն արեց ամեն ինչ պատերազմն անխուսափելի դարձնելու համար: Մենք կարող ենք ուղղակի կետերով անցնել, ես նոր բան չեմ ասելու, որովհետև հետևում էի մամուլին այս վերջին մեկ ամսվա ընթացքում, ուղղակի կարելի է ամփոփոել այս ամենն, իմի բերել մեկ ամբողջական պատկերացում ձևավորելու համար. Բանակացային գործընացը մտցվեց փակուղի, մտցվեց գիտակցաբար, իրարամերժ հայտարարություններով ստեղծեց մի իրավիճակ, որ համանախագահողները նույնիսկ չէին հասկանում, թե հայկական կողմն ինչ է ուզում, ձևավորվեց տպավորություն, որ հայկական կողմը տարբեր ձևերով փորձում է փակուղի մտցնել բանակցային գործընթացը»:

Քոչարյանը նշեց, որ պատերազմը սկսվել էր այն պահին, երբ ոչ ոք չէր կասկածում, որ բանակցային գործընթացը տապալվել էր հայկական կողմի պատճառով.

«Երկրորդ՝ հայկական կողմը լեգիտիմացրել է Ադրբեջանի ագրեսիան Ղարաբաղի նկատմամբ, Արցախի հանրաետության գոյության իրավական հիմքն ազգերի ինքնորոշման իրավունքի կիրառումն է, ՀՀ իշխանությունն իր հայտարարություններով փոխեց, ըստ էության և հարցի կարգավորոմը բերեցինք պետությունների տարածքային ամբողջականության տիրույթ, և սա է պատճառը, որ միջազգային հանրության կողմից այս պատերազմ դիտվում էր՝ որպես տարածքային ամբողջականության վերականգնում: Պատերազմ սկսող կողմը չդատապարտվեց պատերազմ սկսելու համար՝ պատճառը մեկն է՝ վերականգնում են տարածքային ամբողջականությունն, իսկ այդպիսի մոտեցումը մեր իշխանության մեղքն է, Արցախը Հայաստան է ու վերջ նշանակում է, որ հարցը տեղափոխել Հայաստանի տիրույթ, տարածքային ամբողջականության տիրույթ»:

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից