Կան ԴՆԹ-ով անցած մարմիններ, նույնիսկ դեմքով ճանաչելի մարմիններ կան, սակայն արդեն երկար ժամանակ գտնվում են դիահերձարաններում, տերերը չեն գալիս տանեն: Այս մասին ֆեյսբուքյան ուղիղ եթերում հայտարարել է անհետ կորած զինծառայողի հարազատ Արսեն Ղուկասյանը։
Ղուկասյանը հորդորեց բոլորին ԴՆԹ թեստ հանձնել. «Մեզ հասած տեղեկություններով, արդեն օրական 25 մարմնի ԴՆԹ թեստ է արվում: Որպեսզի այդ մարմիններն այդպես չմնան, խնդրում եմ գնացեք ԴՆԹ թեստ հանձնեք:
Եթե տեսնեն, որ այդ մարմինների ԴՆԹ թեստերը որևէ մեկի հետ չի համընկնում, պետք է մտածեն, որ թուրքի մարմին է, տանեն տան թուրքին:
Պատկերացնո՞ւմ եք, որ դա լինի մեր հայ երեխու մարմին, բայց բռնեն տան թուրքին, քանի որ որևէ մեկի հետ չի համընկնում:
Խնդրում եմ, մի զլացեք, գնացեք հանձնեք»,-ասաց նա:
