Ընդդիմության, գործարար համայնքի ներկայացուցիչները և քաղաքացիական ակտիվիստները այսօր հանրահավաք են անցկացնում Թբիլիսիում՝ Կառավարության տան մոտ՝ պահանջելով վերացնել երկրում գործող սահմանափակումները կորոնավիրուսի տարածման դեմ պայքարի շրջանակներում, հաղորդում է ՏԱՍՍ-ի թղթակիցը:
«Ակցիայի նպատակն է վերացնել բոլոր սահմանափակումները, որոնք կառավարությունը ներկայացրել է իբր պանդեմիայի դեմ պայքարի պատրվակով։ Ես այստեղ եմ եկել հենց դրա պատճառով։ Ես շարքային մարդ եմ, ով ամիսներ շարունակ պահանջում է վերացնել սահմանափակումները», - լրագրողներին ասել է «Գիրչի - ավելի շատ ազատություն» կուսակցության առաջնորդ Զուրաբ Ջափարիձեն։
Հանրահավաքի կազմակերպիչներն են քաղաքացիական ակտիվիստներն ու բիզնեսի ներկայացուցիչները։ Նրանց են միացել նաև «Գիրչի», «Լելոն հանուն Վրաստանի», «Եվրոպական Վրաստան՝ շարժում հանուն ազատության» և «Ռազմավարություն Աղմաշենեբելի» ընդդիմադիր կուսակցությունները:
Ցուցարարները մտադիր են պարբերաբար ակցիաներ իրականացնել, որպեսզի ստիպեն իշխանություններին զիջումների գնալ:
